तुलसीपुर : दाङका बजार क्षेत्रमा पार्किङका लागि उचित स्थान नहुदा मुख्य बजारका सडकमा जथाभावी सवारी साधान पार्किङ हुने गरेका छन । अस्त–व्यस्त पार्किङले बजार निकै कुरुप बन्दै गएको छ । भने दुर्घटनाका जोखिम पनि बढ्दै गएको छ । जिल्लाका प्रमुख बजार घोराही, तुलसीपुर, लमही, भालुबाङ लगाएतका ठाँउमा अझैपनि व्यवस्थीत पार्किङ छैन।
अहिले पनि सडकमै जथाभावि सवारी साधन रोकेर सडकलाई पार्किङस्थलको रुपमा प्रयोग गर्ने गरिएको छ । जिल्लामा रहेको १० स्थानीयतहमा ५ वटा शहरी क्षेत्रमा छन । भने ५ स्थानीय तह ग्रामिण क्षेत्रमा छन । १० वटै स्थानीय तहमा ब्यवस्थित पार्किङ छैन । अहिले पार्किङ दाङका ठूला तथा साना सहरहरुको मुख्य चुनौती बन्दै गएको छ । अहिले पार्किङ समस्याले बाटो हिडने बटुवा देखि शहर छिर्ने सवारी साधनहरुलाई समेत समस्या र सास्तीमा पर्दै आएका छ ।
स्थानीय तहको चुनावको समयमा निकै उठाइएको स्मार्ट सिटी सपना दाङका शहरमा पार्कीङका कारण चुनौती समेत बन्दै गएको छ । अव्यवस्थित पार्कीङले अहिले बजारको सुन्दरतामा नै ह्रास आएको छ । बजारमा व्यवस्थीत पार्किङका लागि गन्न सकिने ठाँउ मात्र छ । तर त्यस ठाँउमा पनि पार्किङ व्यवस्थित भएको देखिदैन ।
जिल्लाका ठूला शहर तलसीपुर, घोराही र लमहीमा पार्किङको अवस्था अस्तब्यस्त रहेको छ । शहरोन्मुख विजौरी, नारायणपुर, गढवा, भालुवाङ, हापुरेमा त झन पार्किङ ब्यवस्थापनमा ध्यान दिन सक्ने अबस्था छैन । निर्वाचित जनप्रतिनिधिहरु आएको एक वर्ष विति सकदा पनि यो समस्या समाधान गर्नलागि त्यति चासो दिएको देखिएको छैन । शहरी क्षेत्रमा बढिरहेका सवारी साधनहरुलाई व्यवस्थित गर्न सम्वन्धित निकाय मौन बसेका छन ।
अव्यवस्थित सवारी साधन र पार्किङको कुरामा स्थानीय तह र टा«फिक प्रहरी त्यति गम्भीर पनि देखिदैन । बढ्दो सवारी साधनको चापले निम्त्याउने सवारी दुर्घटनालाई कम गर्न सम्वन्धित स्थानीय तह र ट्राफिक प्रहरीको विशेष भूमिका आबश्यक छ । अब्यवस्तिथत पार्किङले सवारी दुर्घटना बढने मात्रै हैन सडक पेटिमा हिडडुल गर्ने अधिकांस व्यक्तिहरुलाई सास्ती छ । व्यस्त सडकका छेउमा पार्किङ गरीएका सवारी साधनको मारमा दिन प्रतिदिन जनता परिरहेका छन ।
तुलसीपुर उपमहानगरपालिकाले प्रभावकारी रुपमा सवारी साधन पार्किङको व्यवस्था नगर्दा आफुहरुले सडकपेटिको छेउमा पार्किङ गर्न बाध्य भएको सवारी चालकहरुको भनाई । तुलसीपुर क्षेत्रमा जथाभावि रुपमा पार्किङ गरेका गाडी मोटरको कारणले आफुहरुलाई सडकमा हिड्डुल गर्न हुने गरेका शिवा आर्चायले बताइन । लक्ष्मण परीयारको पनि समस्या यस्तै रहेको छ । सडकमा हिडंदा मोटरगाडिको बिचबाट हिडनु पर्ने बाध्यताले हैरान पारेको सुनाए । दिन प्रति दिन बढ्दो सवारी साधनको चापले आफुहरु दुर्घटनामा परिने होकि भन्ने सोच बेलाबेलामा आउने गरेको उनीहरुको गुनासो छ । मालवाहक सामान ओसारपसार गर्ने गाडी चालक किरण नेपालीले सवारी पार्किङको निश्चित स्थान तोकिएको भए आफुहरुले बिचबाटोमा गाडीहरु पार्किङ गर्नु पर्ने बाध्यता नआउने बताए ।
तुलसीपुर उपमहानगरका प्रमुख प्रशासकीय अधिकृत आनन्द सारुले नगर क्षेत्रमा पार्किङको समस्या रहेको बताए । उनले पार्किङ स्थल भने छुट्टै क्षेत्र छुट्याउन नसकिएको बताए । कार्यापालिकाले केहि तयारी गरिरहेका र यसको ब्यवस्थापनको तयारी भइरहेको बताए । जनप्रतिनिधिहरुले अब यसमा चासो र क्रियाशीलता देखाएको जानकारी दिए । घोराही बजारमा पनि व्यवस्थीत पार्किङ स्थल नहुदा सार्वजनिक तथा निजी सवारीका साधन जहाँ पायो त्यही पार्कीङ हुने गरका छन ।
अव्यवस्थीत पार्कीङका कारण आवात–जावात गर्ने पैदलयात्रुलाई समेत समस्या बनाएको छ । त्यस्तै सडकमा गुड्ने सवारी साधनलाई समेत अवरोध सृजना हुने गरको छ । जिल्ला ट्राफिक प्रहरीले व्यवस्थीत पार्कीङ नहँुदा कडाई गर्न समस्या भएको बताएको छ । घोराही उपमहानगरपालिकाका मेयर नरुलाल चौधरीले घोराहीमा अव्यवस्थीत पार्कीङलाई व्यवस्थीत बनाउन योजना बनाएको बताए ।
प्रतिक्रिया दिनुहोस !
