काठमाडौं : हेपाटाइटिसबारे सर्वसाधारणमा जनचेतना जगाउन शुक्रबार राजधानीमा र्यालीको आयोजना गरिएको छ । विश्व हेपटाइटिस दिवसको अवसरमा ‘हराएका हजारौंको खोजी’ मूलनाराका साथ र्यालीको आयोजना गरिएको थियो ।
नेपालमा पनि स्पर्श नेपाल (सोसाइटी फर पोजिटिभ एट्मोसफेयर एन्ड रिलेटेड सपोर्ट टु पिपुल लिभिङ विद एचआइभी इन नेपाल) ले नेपालिज एशोसिएसन फर द स्टडिज अफ द लिभरको सहयोगमा हेपटाइटिसबारे काम गर्दै आएको छ ।
भाइरल रोगका रुपमा रहेको हेपाटाइटिस रोगले महत्वपूर्ण अंग कलेजोलाई असर गर्ने गर्ने सन्देश ¥यालीमा दिइएको थियो । प्रत्येक वर्ष विश्व स्वास्थ्य संगठनले जुलाई २८ तारिखमा ‘विश्व हेपाटाइटिस दिवस’ मनाउँदै आएको छ ।
यसको मूल उदेश्य सन् २०३० सम्ममा हेपाटाइटिस निर्मुल पार्ने हो । ए, बि, सि, डि र ई गरी पाँच किसिमका हेपाटाइटिस छन् । यो रोग लागेमा धेरै थकाई लाग्ने, भोक नलाग्ने, पेटमा असहज हुने र छाला पहेलो हुने हुन्छ । यसको भाइरस रगत, वीर्य, योनी र र्यालमा पाइन्छ ।
एक तथ्यांकअनुसार, नेपालमा लगभग दुई लाख ६० हजार मानिस एचबिभी संक्रमित हुन्छन् तर पनि अधिकांश व्यक्ति संक्रमित भएकोमा अनभिज्ञ हुन्छन् । र्यालीमा सुई र ट्रिमरजस्ता उपकरणहरु प्रयोग नगर्ने, समयमै उपचारका लागि परीक्षण गर्ने, सुरक्षित रगतमात्र आदानप्रदान गर्नेजस्ता जानकारी दिइएको थियो ।
प्रतिक्रिया दिनुहोस !
