जाजरकोट : उपचारको अभावमा रुकुमको चौरहारीमा एक बिरामीको मृत्यु भएको छ । जाजरकोट भेरी नगरपालिका– ४ का ४२ वर्षीय शेरबहादुर विकको उपचार अभावमा मृत्यु भएको हो । दमको समस्या भएर रुकुमको चौरजहारी अस्पताल उपचार गराउन आएका विकले उपचार नपाउँदा अकालमा ज्यान गुमाउनु परेको हो । पाँच दिन देखि चौरजहारी अस्पताल तनावग्रस्त हुदा सामान्य तथा जटिल समस्या भयका बिरामी उपचार सेवा बाट वञ्चित भएका छन् ।
गत आइतबार जाजरकोट कुदुकी एक महिलाको रुकुमको विजेश्वरी स्थित चौरजहारी अस्पतालमा उपचारको क्रममा अस्पतालको लापरवाहीले ज्यान गएको भन्दै पीडित पक्षले शव बुझ्न मानेका छैनन् । किड्नीमा भएको पत्थरीको उपचार गर्न अस्पताल गएकी भेरी नगरपालिका १३ कुदुकी २८ वर्षीया यशुदा मल्ल आरसीको गलत सुईको प्रयोगले मृत्यु भएको भन्दै पीडित पक्षले उचित क्षतिपुर्ति र राहतको माग गदै शव बुझ्न इन्कार गरेका हुन् । पाँच दिनदेखि शव अस्पतालमै छ । समयमा आफन्तले शव नबुझ्दा गन्हाउन थालेको छ । घटनाका कारण अस्पतालको उपचार सेवा समेत प्रभावित भएको हो ।
प्रतिक्रिया दिनुहोस !
