काठमाडौं : सरकारले वितरण गरेको गरिब परिचय पत्र धनीले पाएको भन्दै सांसद्हरुले आलोचना गरेका छन् । सांसद् छक्क बहादुर लामाले हुम्ला जिल्लामा गरिब परिचय पत्र वितरणमा लापरवाही भएको बताए ।
प्रतिनिधिसभाको सोमबार बसेको बैठकको शून्य समयमा बोल्दै सांसद् लामाले गरिबको परिचयपत्र धनीको हातमा पुगेको गुनासो गरे । 'गरिब परिचय पत्र वितरण गर्दा गरिबमाथि नै अन्याय भएको छ', उनले भने, 'गरिब परिचयपत्र धनीले पाएका छन्, हुनेखानेले पाइरहेका छन्’
सरकारले त्यसतर्फ ध्यान दिनुपर्ने पनि उनले माग गरेका छन् । हुम्लामा पुनः गरिब परिचयपत्र वितरण गर्न पनि उनले माग गरे ।
प्रतिक्रिया दिनुहोस !
