सिरहा : प्रदेश २ सरकारले कर्मचारी नपठाइएको भनी गुनासो गरिरहँदा सिरहास्थित अर्नामा गाउँपालिकामा खटिएर आएका एक कर्मचारीले हाजिरी गर्नै पाएका छैनन् ।
कर्मचारी समायोजन अन्तर्गत सिंचाइ विकास डिभिजन नवलपरासीबाट सरुवा भइ आएका सबईन्जिनियर सन्जिव कुमार यादवलाई गाउँपालिका अध्यक्ष ठकु महतोले हाजिर गर्नै नदिएका हुन् । सबईन्जिनियर यादव जिल्ला प्रशासन कार्यालयबाट पठाएको पत्रसहित गाउँपालिका कार्यलय पुगे पनि अध्यक्षले हाजिर गर्न नदिएपछि यादव अन्योलमा परेका छन् ।
स्थायी कर्मचारी यादव समान्य प्रशासन मन्त्रालयले भदौ २७ गते गरेको निर्णय अनुसार नै आफू गाउँपालिकामा सरुवा भइ आएका हुन् । यादवले आफू भदौ १२ गते सिंचाई विकास डिभिजन नवलपरासीबाट रवानापत्र लिएर भदौ १६ गते नै गाउँपालिमा हाजिरी हुन पुगेको बताए । अध्यले आलटाल गरी हप्ता दिन बिताइदिएपछि उनी जिल्ला प्रशासन कार्यालयमा पुगे ।
प्रशासन कार्यालयले भने सबईन्जिनियरलाई अबिलम्व हाजिरी गराउने भनी पत्र काटिदियो । तै पनि गापा अध्यक्षले महतोले अस्विकार गर्दै आएका छन् । अध्यक्षको यस्तो व्यवहारका कारण आफू अन्योलमा परेको यादवले बताउँदै आएका छन् । उनले आफूलाई हाजिरी नगराएको विषयमा मन्त्रालयमा पनि जानकारी गराएको बताए ।
साथै यादवले आफूलाई हाजिरी नगराउनेबारे कारण समेत माग गरेका छन् । गाउँपालिकाका प्रमुख प्रशासकीय अधिकृत सुमित्रा लामाले भने कानुनी रुपमा यसरी हाजिरी रोक्न नहुने बताएकी छन् । गापा अध्यक्षले भने अन्नपूर्णसँगको टेलिफोन कुराकानीमा यसबारे आफू केही बोल्न नचाहेको भन्दै फोन काटिदिए ।
प्रतिक्रिया दिनुहोस !
