दैलेख : दुल्लु नगरपालिका–७ कृति खम्बमा भइरहेको जुवा नियन्त्रण गर्न खटिएको प्रहरी टोलीमाथि शुक्रबार राति आक्रमण भएको छ । आक्रमणबाट इलाका प्रहरी कार्यालय दुल्लुका इन्चार्ज प्रहरी निरीक्षक बजिरसिंह विष्ट र प्रहरी सहायक निरीक्षक सुजन खड्का घाइते भएका छन् ।
आक्रमणबाट घाइते भएका प्रहरी निरीक्षक विष्टको टाउकोमा चार वटा टाका लगाइएको छ भने प्रशनी खड्काको टाउकोमा गहिरो चोट लागेको छ । घाइते भएका उनीहरुको दुल्लु अस्पतालमा उपचार भइसकेको र अवस्था सामान्य रहेको जिल्ला प्रहरी कार्यालयले जनाएको छ ।
प्रहरी निरीक्षक विष्टका अनुसार साँँझ करिब ७ बजे जुवाडेको समूहले सडकमै जुवा संचालन गरेपछि प्रहरीले रोक्न खोजेको थियो । प्रहरीले जुव रेक्न खोजेपछि झडप भएको थियो ।
प्रहरीमाथि नै आक्रमण हुनथालेपछि चार राउण्ड हवाई फायर गर्नुपरेको उनले जानकारी दिए । आक्रमणमा करिब ४०–५० जनाको संख्या रहेको र उनीहरुलाई मुद्दा चलाउने तयारी भइरहेको विष्टको भनाइ छ ।
प्रतिक्रिया दिनुहोस !
