काठमाडौं : गत वर्ष निधन भएका नेकपा अध्यक्ष पुष्पकमल दाहाल प्रचण्डका पुत्र प्रकाश दाहालको स्मृतिमा दोलखामा ‘प्रकाश स्मृतिकप फुटबल प्रतियोगिता'को आयोजना गरिएको छ।
गत वर्ष मंसिर ३ गते हृदयघातका कारण प्रकाश दाहालको निधन भएको थियो । स्वर्गीय दाहालको स्मृतिमा आयोजित प्रथम प्रकाश स्मृति कप – २०७५ को उद्घाटन गर्दै, प्रचण्डले राष्ट्र पहिचान र स्वास्थ्यका लागि खेलको ठूलो महत्व रहेको धारणा व्यक्त गरे ।
प्रतियोगिता मंसिर ७ गतेसम्म सञ्चालन हुनेछ । राष्ट्रिय स्तरका क्लब एपीएफ र कुमारीसहित प्रतियोगितामा १२ टिम सहभागि छन् । उपाधि विजेतालाई २ लाख ५० हजार नगदसहित सिल्ड तथा प्रमाण पत्रको व्यवस्था गरिएको छ । उपविजेताले १ लाख २५ हजार, तेस्रोले र चथौं हुने टिमले ३०–३० नगदसहित शिल्ड, मेडल र प्रमाण पत्र पाउने आयोजकले जानकारी दिएका छन्।
प्रथम प्रकाश स्मृतिकप फुटबल प्रतियोगिताका संयोजका मिनकुमार शिवाकोटीले हरेक वर्ष प्रतियोगिता आयोजना गरिने बताएका छन्। सहआयोजक समेत रहेको दोलखा जिल्ला फुटल संघले प्रतियोगिता सञ्चालनको सबै जिम्मेवारी लिएको अध्यक्ष गोविन्द श्रेष्ठले जानकारी दिएका छन् ।
प्रतिक्रिया दिनुहोस !
