एजेन्सी : स्पेनिस ला लिगा फुटबल अन्तर्गत शनिबार भएको खेलमाा रियल मड्रिडले नमिठो हार हार ब्यहोरेको छ । रियलले इबारसँग रियल ३-० को पराजय भोग्न बाध्य भएको हो ।
नयाँ सिजनसँगै खराब प्रदर्शनकै कारण रियल मड्रिडले प्रशिक्षकलार्इ चार महिनामै बर्खास्त गरेको थियो । एकपछि अर्को हार भोगेपछि रियलले प्रशिक्षक जुलेन लोपेटेग्युर्इलार्इ बर्खास्त गरेर टिमको जिम्मा सान्टियागो सोलारीलार्इ दिएको थियो ।
तर सोलारी कोचमा नियुक्त भएपछिको पहिलो खेलमै रियलले नमिठो पराजयो भोग्यो । लिगको सातौँ स्थानमा रहेको इबारले लिगको छैटौँ स्थानमा रहेको रियलविरुद्ध खेलको १६ औं मिनेटमा अग्रता बनायो ।
इबारका लागि पहिलो गोल इस्कालान्टाले गोल गरे । पहिलो हाफमा एक गोलले पछि परेको रियल दोस्रो हाफमा पनि खेलमा फर्कन सकेन । उसले दोस्रो हाफमा थप दुई गोल खानुपर्यो ।
रियलविरुद्ध इबारका सर्जी इनरीचले ५२ औं मिनेटमा गोल गर्दै अग्रता २-० मा पुर्याए । त्यसलगत्तै ५७ औं मिनेटमा किकीले गोल गरेपछि इबारले अग्रता ३-० मा पुर्यायो ।
क्रिस्टियानो रोनाल्डो युभेन्ट्स गएसँगै लय गुमाएको रियलले नयाँ सिजनको ला लिगामा योसहित पाँचौ हार व्यहोरिसकेको छ। रियलले १३ खेलबाट २० अंक जोडेको छ भने विजयी इबारले समान खेलबाट १८ अंकसहित रियल भन्दा एकस्थान तल छ ।
प्रतिक्रिया दिनुहोस !
