मुम्बई : सोनी टीभीबाट प्रसारित भारतीय चर्चित गायन रियालिटी सो इन्डियन आइडल सिजन १० को उपाधि सलमान अलीले जितेका छन्। आइतबार राति भएको फाइनल चरणमा फस्ट रनरअप अंकुश भारद्वाज र सेकेन्ड रनरअप निलान्जना रे घोषित भए। टप ५ मा सलमान, बिभोर प्रसर, निलान्जना, निथिन कुमार र अंकुश भारद्वाज पुगेका थिए। सलमानले पुरस्कारस्वरूप २५ लाख रुपैयाँ प्राप्त गरे। सलमान हरियाणाका बासिन्दा हुन् ।
सो मनीष पौलले होस्ट गरेका थिए। आइडलको निर्णायकमा अनु मलिक, विशाल दडलानी र नेहा कक्कड थिए। तर, अनु मी टु काण्डमा परेपछि उनलाई हटाएर गायक जावेद अलीलाई निर्णायक बनाइएको थियो। फिनालेमा फिल्म जिरोका शाहरुख खान, कैट्रिना कैफ र अनुष्का शर्मा अतिथिका रूपमा उपस्थित थिए।
प्रतिक्रिया दिनुहोस !
