शैक्षिक समाग्री पाएपछि बालबालिका दंग
जनकपुरधाम : वैकल्पिक सिकाई केन्द्रमा अध्ययनरत महोत्तरीको मटिहानी नगरपालिका–७ का बालबालिका शैक्षिक समाग्री पाएपछि दंग परेका छन्।
मटिहानी नगरपालिका र यूनिसेफको सहयोगमा समुदायिक सिकाई केन्द्र मटिहानीमा अध्यनरत २५ बालिकालाई पोशाक र शैक्षिक समाग्री प्रदान गरिएको हो।
पूर्वमन्त्री एवं सांसद शरतसिंह भण्डारीले केन्द्रमा अध्यनरत बालबालिकालाई शैक्षिक समाग्री विपतरण गर्दै अब कोही पनि अशिक्षित नरहने वातावरण बनेको बताए। ‘शिक्षा र स्वास्थ्य हाम्रो संवैधानिक र मौलिक हक हो,’ उनले भने, ‘सम्मान अधिकारका लागि शिक्षामा गरिब तथा विपन्नले पहुँच बढाउनुको विकल्प छैन।’
पोशाक वितरण कार्यक्रममा सांसद निर्जला राउत, मटिहानी नगरपालिका प्रमुख हरिप्रसाद मण्डल र शिक्षा विकाश तथा समन्वय इकाइ महोत्तरीका प्रमुख शत्रुधन यादव, सिकाईकेन्द्र मटिहानीका अध्यक्ष श्यामकुमार मण्डल सहभागी थिए।