काठमाडौँ :नेपाल सरकार अर्थ मन्त्रालयका २२ कर्मचारीको तेश्रो टोलीले ‘इन्स्टिच्यूट अफ गभर्मेन्ट अकाउन्ट्स एण्ड फाईनान्स’ बाट तालिम लिइरहेको छ । आईएनजीएफमा सञ्चालन भइरहेको ‘ग्लोबल पर्सपेक्टिभ अन पब्लिक फाइनान्सियल म्यानेजमेन्ट’ तालिम फागुन २० देखि सुरु भएको हो ।
उक्त तालिम भारतीय विदेश मन्त्रालयको ‘भारतीय प्राविधिक तथा आर्थिक सहकार्य कार्यक्रम’ (आईटेक) अन्तर्गत सञ्चालन भइरहेको छ ।
कुल ६२ कर्मचारीलाई प्रदान गरिने यो विशेष तालिम नेपालको अर्थ मन्त्रालयको अनुरोध र आवश्यकतामा तयार पारिएको हो । यस तालिमले विद्युतीय भुक्तानी प्रणाली, लेखाविधि तथा रकम व्यवस्थापन, सार्वजनिक ऋण प्रणाली, वैदेशिक ऋण÷अनुदान तथा प्रतिदानको लेखाविधि, पेन्सन भुक्तानी प्रणाली, आन्तरिक लेखापरिक्षण, आर्थिक जिम्मेवारी तथा बजेट व्यवस्थापन आदि विषयहरुमा चलिरहेको विश्वव्यापी अभ्यासबारे सहभागीहरुको क्षमता अभिवृद्धि गर्ने बताइएको छ ।
यस अघि ४० नेपाली कर्मचारीहरुले (दुई टोलीका २०–२०) आफ्नो १० दिने तालिम सफलतापूर्वक सम्पन्न गरेका थिए । आईएनजीएफ भारत सरकारको सार्वजनिक अर्थ व्यवस्थापन क्षेत्रको आधुनिक सिकाई सुविधायुक्त एक प्रमुख तालिम केन्द्र हो ।
अर्थ क्षेत्रमा आफ्नो छुट्टै पहिचान बनाउन सफल यस संस्था इन्स्टिच्युसन आफ इन्टरनल अडिटर्स (आईएए) फ्लोरिडासहितका प्रमुख संस्थासँग आबद्ध छ । आईएनजीएफ संसारभरका विकासशील मित्र राष्ट्रका कर्मचारीलाई आईटेक कार्यक्रम अन्तर्गत व्यवसायिक तालिम प्रदान गर्ने एक साझेदार संस्था हो
प्रतिक्रिया दिनुहोस !
