इटहरी : लागुऔषध नियन्त्रण ब्युरो विराटनगरको टोलीले इटहरी–२ मा रहेको दुर्गा मेडिकल हलबाट ठूलो परिमाणमा लागुऔषध बरामद गरेको छ ।
साथै मेडिकल सञ्चालक समेत रहेका हेल्थ असिस्टेन्टलाई पक्राउ गरेको छ । प्रहरीले मेडिकलका सञ्चालक देवानगञ्ज–७ का विकास थानदारलाई पनि पक्राउ गरेको हो ।
प्रहरी टोलीले तीन हजार पिस नाइट्रोभेट, १९६ एम्फुल फेनार्गन, १९९ एम्फुल लुप्रिबेसिस र १९३ एम्फुल डाइजोल्याम्प बरामद गरेको बताएको छ । बरामद भएका सबै सामान प्रतिबन्धित लागुऔषध भएको प्रहरीको भनाइ छ ।
पक्राउ परेका थानदारलाई नियन्त्रणमा लिइ आवश्यक अनुसन्धान सुरु गरिएको प्रहरीले जनाएको छ ।
प्रतिक्रिया दिनुहोस !
