राजविराज : सप्तरीको डाकनेश्वरी नगरपालिका, राजगढ र बलान बिहुल गाउँपालिकामा गएराति आएको हावाहुरीले २० जनाको घर र कुखरा फर्ममा क्षति पुर्याएको छ।
हावाहुरीले घर र कुखुरा फर्मको छाना उडाउँदा १० लाख १७ हजार रुपैयाँ बराबरको क्षति भएको सप्तरी प्रहरीले जनाएको छ।
बलान बिहुल गाउँपालिका ३ स्थित राजनप्रसाद साह र रामकुमार साहको कुखुरा फर्मको जस्ताको छानो उडाउँदा राजनको दुई सय र रामकुमारको १५० वटा कुखुराका चल्ला मरेको एसपी मनोज यादवले बताए। यस्तै बलान बिहुल ३ दुधैलास्थित मन्दिरको छानो समेत हावाले उडाएको छ।
बलान बिहुल गाउँपालिका १ झुटकीका रामखेलावन यादव, बलराम यादव, वडा नम्बर ३ का सुतिहार शर्मा, श्यामसुन्दर शर्मा, नन्द झा, अशोक मण्डल, शिवन मण्डल र इन्द्रदेव मण्डलको घरको जस्ता र एलबेस्टरको छानो उडाएर क्षति पुर्याएको छ।
एसपी यादवका अनुसार हावाहुरीले डाकनेश्वरी नगरापालिका ५ का राजवंशी सदा, मो. ईद्रिस मिया, वडा नम्बर ६ का अजय पण्डित र शत्रुघ्न मण्डल तथा राजगढ गाउँपालिका २ का उमेशकुमार यादव, वीरेन्द्र यादव, बलराम यादव र घुरन यादवको घरको छानो उडाएर क्षति पुर्याएको छ।
प्रतिक्रिया दिनुहोस !
