राजविराज : सप्तरीमा हायसले ठक्कर दिँदा मंगलबार साझ मोटरसाइकल चालकको मृत्यु भएको छ।
पूर्व–पश्चिम राजमार्गको सप्तरी खण्डमा खडक नगरपालिका ६ का ५५ वर्षीय कारी साहको मृत्यु भएको प्रहरीले जनाएको छ। पूर्वबाट पश्चिमतर्फ जाँदै गरेको ना ५ ख ५९८२ नम्बरको हायसले विपरीत दिशाबाट जाँदै गरेको स १ प ९७६९ नम्बरको मोटरसाइकललाई ठक्कर दिएको थियो।
इलाका प्रहरी कार्यालय कल्याणपुरका प्रहरी निरीक्षक विष्णुप्रदिप बस्यालका अनुसार ठक्करले घाइते साहको विराट नर्सिङ होम विराटनगरमा उपचारका क्रममा मंगलबार अपरान्ह मृत्यु भएको हो।
स्थानीय एडभान्स अस्पताल कल्याणपुरमा प्राथमिक उपचारपश्चात घाइते साहलाई थप उपचारका लागि विराटनगर लगिएको थियो। ठक्कर दिने हायस र चालकलाई इलाका प्रहरी कार्यालय कल्याणपुरले नियन्त्रणमा लिएको छ।
प्रतिक्रिया दिनुहोस !
