बागलुङ : पर्वत जिल्लाको कुस्मा नगरपालिका १ छमर्केदेखि बागलुङ आउँदै गरेको बस दुर्घटना हुँदा पाँचजना घाइते भएका छन्। बुधबार बिहान छमर्केबाट बागलुङ आउँदै गरेको ग १ ख ८२५२ नम्बरको बस पर्वतको नयाँपुलमा अनियन्त्रित भई सडक छेउको सिसौको रुखमा ठोक्किएर दुर्घटना भएको जिल्ला प्रहरी कार्यालय पर्वतका प्रहरी निरीक्षक राजन रायमाझीले बताए।
दुर्घटनामा चालक कुस्मा नगरपालिका-१ छमर्केका श्याम खड्का, कुस्मा नगरपालिका-२ का यम शर्मा, सोही स्थानका सविना शर्मा, निजकी डेढ वर्षकी छोरी सजिना शर्मा, बागलुङ नगरपालिका-७ ढिकीचौरका प्रेम शर्मा रहेका छन्।
घाइतेहरुको धौलागिरी अस्पताल बागलुङमा उपचार भइरहेको धौलागिरि अञ्चल अस्पताल बागलुङका प्रमुख डा. शैलेन्द्र बि. पोखरेलले बताए।
दुर्घटनाका घाइते धौलागिरी अस्पतालमा उपचार हुँदै। तस्बिर : दिल शिरिष
प्रतिक्रिया दिनुहोस !
