सुर्खेत : सुर्खेतमा पनि डेंगुको संक्रमण देखिएको छ। जिल्लाका तीन जनामा डेंगुको संक्रमण भेटिएको हो। कर्णाली प्रदेश अस्पतालमा उपचार गर्न पुगेका वीरेन्द्रनगर नगरपालिका-४ का ३५ वर्षीय उदय सुनार र बराहताल गाउँपालिका-१ हरिहरपुरकी १२ वर्षीया एलिना पुलामीलाई डेंगुको संक्रमण भएको हो।
वीरेन्द्रनगर-६ का ३५ वर्षीय जयकिसन विकलाई समेत डेंगुको संक्रमण भेटिएको कर्णाली प्रदेश स्वास्थ्य निर्देशनालयका कीटजन्य रोग नियन्त्रण अधिकृत श्यामलाल आचार्यले बताए। उनका अनुसार एलिना र जयकिसनलाई भएको डेंगु नयाँ भए पनि उदय सुनारलाई भएको संक्रमण पुरानो समस्या दोहोरिएको हो।
जयकिसनको वीरेन्द्रनगरस्थित देउती अस्पतालमा उपचार भइरहेको छ। उदय र एलिनाको कर्णाली प्रदेश अस्पतालले उपचारपछि डिस्चार्ज गरेको छ। करिब पाँच वर्षअघि पूर्वीसुर्खेतमा डेंगुका कारण एकजनाको मृत्यु भएको थियो।
प्रतिक्रिया दिनुहोस !
