गोरखा : आपसी कुटाकुटमा गोरखा नगरपालिका ६ का ५९ वर्षीय गोपाल उपरकोटीको मृत्यु भएको छ।
गोरखा नगरपालिका-८ थालकडाँडामा बुधबार दिउँसो भएको झडपमा स्थानीय ५० वर्षीय रामबहादुर सिर्मलको कुटाइबाट उपरकोटीको मृत्यु भएको प्रहरी प्रमुख एसपी ओम अधिकारीले जानकारी दिए।
आपसी कुटाकुटमा उपरकोटी बेहोस भएर ढलेका र लामो समयसम्म पनि होस नखुलेपछि उपचारका लागि गोरखा अस्पताल ल्याउँदै गर्दा उनको ज्यान गएको प्रहरीले जनाएको छ।
दुबै जना मदिरा सेवन गरेर बसिरहेको र एक आपसमा भनाभन हुँदा कुटपिट भएको थियो। सिर्मल अहिले प्रहरी नियन्त्रणमा रहेको र घटनबारे थप अनुसन्धान भइरहेको जिल्ला प्रहरी कार्यालयले जनाएको छ।
प्रतिक्रिया दिनुहोस !
