काठमाडौं : मेडिकल सामग्री लिन नेपाल एयरलाइन्सको विमान शनिबार चीन जाने भएको छ । नेपाल एयरलाइन्सको दुईवटा विमानमध्ये वाइडबडी विमान अपरान्ह १२ :३० बजे काठमाडौंबाट चीनको गोन्जाव प्रस्थान गर्ने निगम प्रवक्ता अर्चना खड्काले अन्नपूर्ण पोष्टलाई जानकारी दिइन् ।
क्याबिन कु्र र प्राविधिकसहित १० जनाको टोली त्यसतर्फ प्रस्थान गर्न लागेको उनले जानकारी दिइन्। अपरान्ह चीन प्रस्थान गरेर आज राति साढे १० देखि ११ बजेभित्र काठमाडौं आइपुग्ने तयारी भएको खड्काले बताइन् ।
कोभिड १९ रोकथामका लागि नेपाल सरकारले निगमको विमान चार्टर्ड गरी आवश्यक औषधि, उपचार, उपकरण लिन विमान त्यसतर्फ पठाउन लागेको हो ।
प्रतिक्रिया दिनुहोस !
