धरान : सुनसरीमा कोरोना भाइरसविरुद्धको खोप अभियान सुरु भएको छ । बुधबार सुनसरीको धरान, इटहरी र इनरुवामा कोरोना विरुद्धको खोप लगाउन सुरु गरिएको सुनसरीका प्रमुख जिल्ला अधिकारी फडिन्द्रमणि पोखरेलले जानकारी दिए।
सुनसरीको धरानस्थित बीपी कोइराला स्वास्थ्य विज्ञान प्रतिष्ठान, विजयपुर हस्पिटल, इटहरी अस्पताल र इनरुवा अस्पतालका चिकित्सक, स्वास्थ्यकर्मी र एम्बुलेन्स चालकलाई पहिलो चारणमा खोप लगाउन सुरु गरिएको प्रमुख जिल्ला अधिकारी पोखरेलले बताए ।
बीपी प्रतिष्ठानका पदाधिकारी, विभागीय प्रमुख र स्टाफनर्स सरसफाइ कर्मचारीले खोप लगाएको सहायक प्रवक्ता डा. चुडामणि पोखरेलले बताए । विजयपुर हस्पिटलमा पनि चिकित्सक, नर्स र सरसफाई कर्मचारीहरुलाई खोप लगाइएको निर्देशक प्रभाव खतिवडाले बताए । सुनसरीका प्रजिअ पोखरेलले सुनसरीमा ५ हजार ५ सय खोप उपलब्ध भएको बताए ।
प्रतिक्रिया दिनुहोस !
