धनगढी : नेपाल कम्युनिस्ट पार्टी (नेकपा) प्रचण्ड- नेपाल समूहको नेपाल बन्दको असर सुदूरपश्चिममा पनि परेको छ । प्रदेशको राजधानी धनगढी पूर्णरुपमा बन्द भएको छ । प्रचण्ड- नेपाल समूहका कार्यकर्ता बिहानैदेखि बजारमा निस्किएका छन । उनीहरुले क्याम्पस रोडमा टायर बालेर विरोध प्रदर्शन गरेका छन् । धनगढीमा इलेक्ट्रिक रिक्सा र मोटरसाइकल मात्र फाट्टफुट्ट चलेका छन् ।
धनगढीबाट संघीय राजधानी चल्ने र छोटो दुरीका सवारी साधन पनि चलेका छैनन् । सुदूरपश्चिमका पहाडि जिल्लाको यातायात पनि ठप्प रहेको छ । धनगढी र आसपासका जिल्लाका शैक्षिक संस्था पनि बन्द छन् । परिक्षार्थी बोकेका सवारी बाहेक अरु सवारी चलेका छैनन् । जिल्ला प्रहरी कार्यालयले अहिलेसम्म कैलाली सहितका अरु पहाडि जिल्लामा अप्रिय घटना नभएको जनाएको छ । 
प्रतिक्रिया दिनुहोस !
५
