राजविराज: युवतीमाथि बलात्कार गरेको आरोपमा सप्तरीको विष्णुपुर गाउँपालिकास्थित एक युवक पक्राउ परेका छन् ।
सप्तरीको विष्णुपुर गाउँपालिका–५ बोरियाका ३५ वर्षीय मोहम्मद रहमुल मियाँलाई आइतबार प्रहरीले पक्राउ गरेको हो । पक्राउ गरेलगत्तै पत्रकार सम्मेलन गरी प्रहरीले आरीपीलाई सार्वजनिक गरेको हो । अदालतले ०७७ कात्तिक ५ गते पक्राउ पुर्जी जारी गरे पनि फरार रहेका आरोपितलाई घर आएका बेला पक्राउ गरिएको हो । आरोपित दुई सन्तानका बाबु हुन् ।
पीडित युवतीले आफूमाथि बलात्कार गरी गर्भवती बनाएको भन्दै पीडितले जिल्ला प्रहरी कार्यालय, सप्तरीमा असोज २९ गते उजुरी दिएकी थिइन् । पीडितले जिल्ला प्रशासन कार्यालयमा समेत ०७७ कात्तिक ३ गते उजुरी दिएकी थिइन् ।
जिल्ला प्रहरी कार्यालयले कात्तिक ४ गते स्वास्थ्य परीक्षण गराउँदा २६ हप्ताको गर्भवती देखिएपछि सोही दिन उजुरी दर्ता गरिएको थियो । पीडित गर्भवतीले राजविराजस्थित गजेन्द्रनारायण सिंह अस्पतालमा कात्तिक १५ गते छोराको जन्म दिएकी छिन् । उनी माइतमै बसेकी छन् ।
प्रतिक्रिया दिनुहोस !
