महोत्तरी : महोत्तरीमा दुई दिनको अवधिमा लागुऔषधसहित चारजनालाई प्रहरीले पक्राउ गरेको छ। इलाका प्रहरी कार्यालय गौशालाले विभिन्न स्थानमा गस्तीको क्रममा खानतलासी गर्दा उनीहरुलाई लागुऔषधसहित नियन्त्रणमा लिएको हो ।
आइतबार दिउँसो प्रहरीको टोलीले गौशाला न.पा.९ मा चेकजाँच गर्ने क्रममा प्रदेश २–०२–००५ प.४८६१ न.को मोटरसाइकल चेकजाँच गर्दा मोटरसाइकल चालक गौशाला न.पा.६ का १९ वर्षीय गोविन्द महरा र १९ वर्षीय राजा यादबलाई लागुऔषधसहित नियन्त्रणमा लिएको हो ।
प्रहरीले दिएको जानकारी अनुसार उनीहरुको शरीर खानतलासी लुकाइ छिपाइ ल्याउँदै गरेको नाइट्रोभेट १० लेखिएको २ पत्तामा ३० ट्याबलेट बरामद भएको हो ।
खानतलासीको क्रममा प्रहरीले उनीहरुले लगाएको ज्याकेटको खल्तीबाट नाइट्रोभेट १० लेखेको १५ ट्याबलेट बरामद भएको जिल्ला प्रहरी कार्यालय महोत्तरीले जनाएको छ ।
पक्राउ परेका ४ जनालाई आवश्यक कारबाहीका लागि जिल्ला अदालत महोत्तरीबाट ५ दिनको म्याद थप गरी थप अनुसन्धान गरिरहेको जिल्ला प्रहरी कार्यालयका प्रवक्ता प्रहरी नायव उपरीक्षक प्रकाश विष्टले बताए ।
पछिल्लो समयमा जिल्लामा लागुऔषधको कारोबार वृद्धि भएकाले प्रहरीले चेकजाँचमा कडाइ गरिएको प्रहरी नायव उपरीक्षक विष्टले जानकारी दिए ।
प्रतिक्रिया दिनुहोस !
