रुपन्देहीमा बस दुर्घटना : मृतक ९ मध्ये ४ जनाको पहिचान खुल्यो (अपडेट)
जेठ २२, २०७९ आइतबार ९:८:०
भैरहवा : रुपन्देहीमा भएको यात्रुबाहक बस दुर्घटनामा मृतक ९ जनामध्ये ४ जनाको पहिचान खुलेको छ। स्रोतका अनुसार दुर्घटनामा मृत्यु हुनेमा रुपन्देहीको बुटवलस्थित योगिकुटीका ५६ वर्षीय बिष्णु पौडेल, बुटवल–११, कालिकानगरका कृष्णप्रसाद बस्याल, ओमसतिया गाउँपालिका–४, मटेरियाका राजेन्द्रप्रसाद पाण्डे र रौतहट जिल्लाका २० वर्षीय दिनेश दासको पहिचान भएको हो।
पहिचान खुलेका चारमध्ये तीन जनाको भैरहवास्थित युनिभर्सल मेडिकल कलेज र एक जनाको भीम अस्पतालमा मृत्यु भएको हो। दुर्घटनामा घाइते भएका २४ जनाको मेडिकल कलेज र भीम अस्पतालमा उपचार भइरहेको रुपन्देही प्रहरी प्रवक्ता डीएसपी नवरत्न पौडेलले बताए। घाइतेमध्ये १६ जनाको अवस्था गम्भीर र ८ जनाको अवस्था भने मध्यम रहेको उनले बताए।
प्रतिक्रिया दिनुहोस !
