जाजरकोटका १८ मतदानस्थल अति संवेदनशील

जाजरकोटका १८ मतदानस्थल अति संवेदनशील

जाजरकोट : जाजरकोटका १८ मतदानस्थललाई अति संवेदनशील मतदान केन्द्रको रुपमा राखिएको छ । ८९ मतदान स्थल मध्य ४३ मतदान स्थल संवेदनशील र २८ मतदान स्थल सामान्य रुपमा बर्गिकरण गरिएको छ । 

सुरक्षा संवेदनशीलताका आधारमा मतदानस्थलको सुरक्षाका लागि सुरक्षाकर्मी खटाइएको प्रमुख जिल्ला अधिकारी अन्जन श्रेष्ठले बताए । जाजरकोटका ८९ मतदान स्थलमा रहेका एक सय ४३ मतदान केन्द्र सबैमा निर्वाचन सामग्रीसहित सुरक्षाकर्मी र कर्मचारी पुगिसकेका छन्।

मतदान अधिकृतले सर्वदलीय बैठकबाट विभिन्न किसिमका निर्वाचन सम्बन्धी प्रक्रियाबारे सहमति जुटाउने , मतदान स्थलमा मदिरा निषेधित क्षेत्र तोक्ने लगायतका कार्यका साथै मतदानस्थल निर्माण गर्न थालेको मुख्य निर्वाचन अधिकृत केशव चपाईले बताए । उनले जिल्लाका केही मतदान केन्द्रमा सञ्‍चारको पहुँच नभएकाले प्रहरी सेटबाट समेत सूचना आदानप्रदान गर्ने व्यवस्था मिलाइएको बताए ।

आठ मतदान केन्द्रमा महिला मतदान अधिकृत

जिल्लाका आठ मतदान केन्द्रमा महिला मतदान अधिकृतको नेतृत्वमा कर्मचारी खटाइएको छ । एक सय ४३ मतदान अधिकृतमध्ये एक सय ३५ मतदान अधिकृत पुरुष र ८ जना महिला रहेको मुख्य निर्वाचन अधिकृतको कार्यालयले जनाएको छ ।


 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.