डडेल्धुरा: डडेल्धुरा प्रदेशसभा (१) मा माओवादी केन्द्रका सुदूरपश्चिम इञ्चार्ज खगराज भट्ट विजयी भएका छन् । वाम–लोकतान्त्रिक गठबन्धनका उमेदवार भट्ट १२ हजार ११२ मत प्राप्त गर्दै प्रदेशसभा सदस्यमा निर्वाचन भएका हुन् ।
उनले सुदुरपश्चिम प्रदेशका भौतिक पुर्वाधार मन्त्रालयका पूर्वमन्त्री समेत रहेका नेकपा एमालेका पठानसिंह बोहरालाई २ हजार ९१७ मतले पराजित गरेका छन् । बोहराले ९ हजार १९५ मत प्राप्त गरेका छन् ।
स्वतन्त्र उमेदवार महेशसिंह धामीले १ हजार ७५४, राप्रपाका पदमराज जोशीले ७६२ मत पाएका छन् । २५ हजार ३६१ मत खसेकोमा १ हजार ३३६ मत बदर भएको छ ।
भट्ट सुदूरपश्चिम प्रदेशको मुख्यमन्त्रीका दाबेदार पनि हुन् । विभिन्न चुनावी सभालाई सम्बोधन गर्ने क्रममा नेपाली कांग्रेसका सभापति एवंम प्रधानमन्त्री शेरबहादुर देउवाले भट्ट लाई निर्वाचित भए मुख्यमन्त्री बन्ने बताउदै आएका थिए ।
भट्ट ०६४, ०७० र ०७४ सालमा संघीय निर्वाचन लडेका थिए । तीनवटै निर्वाचनमा उनी कांग्रेस सभापति तथा प्रधानमन्त्री देउवासँग पराजित भएका थिए । यसपटक गठबन्धनका कारण भट्टलाई कांग्रेसको पनि साथ रहेको थियो ।
भने प्रदेश सभा (ख) मा भने स्वतन्त्र उमेदवार डा तारा जोशी अगाडी रहेका छन् । उनले गठवन्धन वाट उमेदवार रहेका नेपाली कांग्रेसका गोविन्दराज बोहरालाई पछाडी पारेका छन् । डा जोशीका दश हजार ५०० मत आउदा बोहराको भने नौ हजार ८८१ मत आएको छ । वोहरा जोशीभन्दा ६६८ मतले पछाडी परेका छन् ।
प्रतिक्रिया दिनुहोस !
