उदयपुर : उदयपुरको रौतामाई गाउँपालिका-२ थाम्बुतेप्चे डाँडामा आइतबार दिउँसो आगलागी हुँदा ६ लाख बढीको क्षति भएको छ।
६ वर्षीय बालक अमर बिकले लाइटर खेलाउने क्रममा आगो सल्किँदा स्थानीय गोपाल बिकको घर पूर्ण रूपले क्षति भएको हो।
आगलागीबाट घरभित्र रहेको अन्नपात, लत्ताकपडा, भाँडावर्तन र सातवटा कुखुरा जल्दा ६ लाख ३८ हजारको क्षति भएको जिल्ला प्रहरी कार्यालयका डीएसपी राकेश पोदारले जानकारी दिए।
आगो स्थानीयवासीको सहयोगमा इलाका प्रहरी कार्यालय भुट्टारबाट खटिएको टोलीले तीन घण्टापछि नियन्त्रणमा लिएको उनले बताए।
प्रतिक्रिया दिनुहोस !
