'समस्या समाधानको सट्टा मिटरब्याजी पीडकलाई उन्मुक्ति दिने खेल भयो'
चैत १९, २०७९ आइतबार १३:४५:२
काठमडौं : सांसद्हरूले मिटरब्याज पीडितसँग सरकारले गरेको सहमति कार्यान्वयनको माग गरेका छन् । सांसद्हरूले सरकारले विगतमा पनि मिटरब्याजीसँग सहमति गरेको तर कार्यान्वयन नगरेको भन्दै अहिलेको सहमति कार्यान्वयन गर्नुपर्ने जोड दिए ।
आइतबार संसद बैठकमा बोल्दै सांसद् ठाकुर गैरेले मिटरब्याज पीडितको समस्या सम्बोधनमा सरकार गम्भीर हुनुपर्ने बताए । गैरेले भने,‘मिटर व्याजीबाट पीडित भएकामाथि धोकाधडी भएको छ । एउटा आयोगको प्रतिवेदन थन्काएर अर्को आयोग गठन गरेर यो विषयलाई लम्ब्याउने अलमल्याउने र पीडकलाई उन्मुक्ति दिने खेल भएको छ । विशेष समय र शून्य समयमा उठेको प्रश्नको जवाफ सरकारले दिनुपर्छ ।’
यस्तै,सांसद् तेजुलाल चौधरीले मिटरब्याज पीडितको समस्या ज्यूकात्यू रहेको भन्दै समस्या हल गर्न सरकार संवेदनशिल बन्नुपर्ने बताए ।
प्रतिक्रिया दिनुहोस !
