गुल्मीमा वनभरी डढेलो फैलियो : जलेर एक बालकको मृत्यु, एक गम्भीर घाइते
वैशाख ८, २०८० शुक्रबार १०:४८:२१
गुल्मी : गुल्मीमा वनमा लागेको आगो निभाउन गएका एक बालकको मृत्यु भएको छ । जिल्लाको धुर्कोट गाउँपालिका- ३ हाडहाडेका स्थानीय १३ वर्षीय दिपक मुखियाँको उपचारको क्रममा मिसन अस्पताल पाल्पामा मृत्यु भएको जिल्ला प्रहरी कार्यालय गुल्मीले जनाएको छ ।
आगोले जलेर स्थानीय ५५ वर्षीय धनबहादुर जोगी कुवँर गम्भीर घाइते भएको जिल्ला प्रहरी कार्यालय गुल्मीका प्रहरी नायव उपरीक्षक डिल्लीनारायण पाण्डेले जानकारी दिए । उनका अनुसार घाइते कुवँरलाई पाल्पाबाट थप उपचारका लागि बुटवल लगिएको छ ।
सल्लाघारी वनमा लागेको आगो निभाउने क्रममा मुखियाँ र कुँवर जलेका थिए।
गर्मी मौसम सुरुभएसँगै जिल्लाका दर्जनौं सामुदायिक वन र घरगोठमा आगलागी भइरहेको छ ।
प्रतिक्रिया दिनुहोस !
