सिमकोट : माछा मार्न गएका अदानचुली- २ का छक्क बुढा कर्णाली नदीमा बेपत्ता भएका छन् । बिहान हुम्ला कर्णालीको आरजिते भन्ने स्थानमा कर्णाली नदीमा परेर बेपत्ता भएका हुन्।
बुढाको खोजी कार्यमा रहेका अदानचुली २ का राजबहादुर महताराले माछा मार्नेक्रममा बेपत्ता भएको बताए।
‘जाल खेल्ने क्रममा ढुंगाबाट चिप्लिएका बुढा दुई घण्टादेखि बेपत्ता छन्,' महताराले अन्नपूर्णसँग भने, ‘उनी हराएदेखि खोजि कार्य भएपछि कतै पत्ता लागेको छैन् ।’
घटना सार्वजनिक हुने वित्तिकै अदानचुलीको गल्फागाड प्रहरी चौकी,गाउँपालिकाका पदाधिकारी र अन्य स्थानीयले कर्णाली नदीको किनारमा खोजि गरिरहेको भएपनि अहिलेसम्म भेटिएका छैनन्।
वर्षाका कारण कर्णाली नदीमा पानीको बहाब बढेका कारण खोजि कार्यमा समस्या भएको स्थानीयले बताएका छन्।
प्रतिक्रिया दिनुहोस !
८
