त्रिभुवन अन्तर्राष्ट्रिय विमानस्थलमा पत्रकार सम्मेलन
भ्रमणले नेपाल-चीन सम्बन्धलाई उचाई दिन र सम्झौता कार्यान्वयन गर्न मद्दत पुग्यो : प्रधानमन्त्री प्रचण्ड
असोज १३, २०८० शनिबार १२:४:३८
काठमाडौं : प्रधानमन्त्री पुष्पकमल दाहाल ‘प्रचण्ड’ले नेपालको विकासको प्रयासमा चीनसँगको साथका विषयमा खुलेर कुरा भएको बताएका छन्। शनिबार स्वदेश फर्किएपछि त्रिभुवन अन्तर्राष्ट्रिय विमानस्थलमा पत्रकार सम्मेलन गर्दै उनले द्विपक्षीय भेटवार्ताले नेपाल-चीन सम्बन्धलाई उचाई दिन र विगतका सम्झौता कार्यान्वयन गर्न मद्दत पुगेको जानकारी दिएका हुन्।
उनले भने,‘भ्रमणले दुई देशबीच आपसी विश्वास थप बढेको छ। चीनका राष्ट्रपति र प्रधानमन्त्रीसँगको द्विपक्षीय भेटवार्तापश्चात नेपाल-चीनबीचको सम्बन्ध थप उचाई दिन मद्दत पुगेको छ। चीन र नेपालबीच विगतमा भएका समझदारी कार्यान्वयन गर्दै लैजाने प्रतिबद्धता व्यक्त भएको छ।’
प्रधानमन्त्री प्रचण्डले चिनियाँ समकक्षीबीच भएको वार्ताले नेपालको उत्तरीसीमा प्रशारण लाइन, सौर्य प्रणाली जडान, सीमा नाका पुन : सञ्चालन, कृषि, पोखरा विमानस्थलमा चीनका शहरबाट हवाई सञ्चालन गर्ने लगायतको सम्झौता भएको बताए। उनले विभिन्न १२ वटा सम्झौतामा हस्ताक्षर गरेको जानकारी दिए।
प्रतिक्रिया दिनुहोस !
