कर्णालीमा एमाले अधिवेशन : मतदान अझै अन्यौल
वीरेन्द्रनगर : नेकपा एमाले कर्णाली प्रदेश अधिवेशनको मतदान अझै सुरू भएको छैन । आइतबार बिहान ८ बजेदेखि मतदान हुने भनिए पनि मतपत्रमा कलष्टर त्रुटि भएकाले मतदान कार्य लम्बिएको हो । प्रदेश अधिवेशनका उम्मेदवार र समर्थकहरू अधिवेशन स्थलमा प्रचारप्रसार गरिरहेका छन् ।
उनीहरू छिटो मदतानको पक्षमा छन् । एमालेको प्रदेश अध्यक्षका लागि नेकपा एमालेका नेता मीनबहादुर शाही, गुलावजंग शाह र प्रकाश राकाया चुनावी मैदानमा छन् । नेता प्रेमबहादुर सिंह,राजबहादुर शाहीले अध्यक्षमा उम्मेदवारी दिएपनि फिर्ता लिइसकेका छन् ।
यस्तै प्रदेश कामिटीको उपाध्यक्षमा दानिसंह परियार, टेकराज पछाई र लालबहादुर महतरा चुनावी प्रतिस्पर्धामा छन् । सचिवमा रुद्रबहादुर शाही,ध्रुवबहादुर शाही,उप–सचिव खुलामा नारायणकुमार शाह, रविन्द्रराज शर्मा,रमेशकुमार शाही, बखतबहादुर भण्डारी,कमल शाही, धिरेन्द्रराज गिरी, तेजकुमार विक, उप–सचिव समावेशिमा मेनका पछाइ र पद्मा खड्का चुनावी मैदानमा छन् ।
यस्तै लेखा आयोगको अध्यक्षमा जितबहादुर मल्ल, दीर्घराज न्यौपाने र सुरज थापा प्रतिस्पर्धा गर्दैछन् । निर्वाचन आयोगले त्रुटि भएको मतपत्र सच्याएर छपाइ भइरहेकाले अबको केही समयभित्र मतदान सुरू हुने जनाएको छ ।