दैलेख : जाजरकोट केन्द्रबिन्दु भएर गएराति गएको भूकम्पमा परि घाइते भएकाहरुको उद्धार तथा स्वास्थ्य उपचारका लागि दैलेख जिल्ला अस्पतालको मेडिकल टोली भूकम्प प्रभावित क्षेत्रतर्फ प्रस्थान गरेको छ । दैलेख जिल्ला अस्पतालका प्रमुख डा. धर्मराज रेग्मीसहित स्वास्थ्यकर्मीको टोली भूकम्प प्रभावित क्षेत्रतर्फ प्रस्थान गरेको हो ।
एउटा एम्बुलेन्ससहितको टोलीमा डा. रेग्मीसहित चार जना डाक्टर र अन्य स्वास्थ्यकर्मी छन् । भूकम्प प्रभावित क्षेत्र जाजरकोटमा उद्धार तथा स्वास्थ्य उपचारका लागि एम्बुलेन्ससहितको मेडिकल टोली दैलेख अस्पतालबाट जाजरकोटतर्फ हिडेको डा. रेग्मीले बताए । टोलीमा प्रतिनीधिसभा सदस्य अम्मरबहादुर थापा समेत छन् ।
भूकम्पमा परी जाजरकोट र रुकुम पश्चिमको जनजीवन प्रभावित भएको छ । गएराति ११ : ४७ बजे जाजरकोटको बारेकोट गाउँपालिका–१ रामीडाँडा आसपास केन्द्रबिन्दु भएर भूकम्प गएको थियो ।
प्रतिक्रिया दिनुहोस !
