सिन्धुली : सिन्धुली प्रहरीले ठूलो परिमाणमा अवैध लागूऔषध बरामद गरेको छ। प्रहरीले बिहीबार कमलामाई नगरपालिका-६ माझिटारस्थित विपी राजमार्गबाट ३ हजार थान (एम्पुल) लागूऔषध बरामद गरेको हो।
सडकको छेउमा तीनवटा बोरा र एउटा भिर्ने झोला शंकास्पद रूपमा रहेको सूचनाका आधारमा गएको प्रहरी टोलीले चेकजाँच गर्दा पतन्जलीको सरफसहित डायजेपाम लेखिएको एक हजार एम्पुल, प्रोमेथाजिन इन्जेक्सन लेखेको एक हजार एम्पुल र नोफिन लेखेको एक हजार एम्पुल समेत गरी जम्मा ३ हजार एम्पुल फोला परेको जिल्ला प्रहरी कार्यालय सिन्धुलीका प्रवक्ता चिरन्जीवी दाहालले जानकारी दिए।
प्रहरीले नियन्त्रणमा लिएको तीनवटा बोरा र एक झोलामा पतञ्जली लेखेको सरफ तथा डायरीमा केही शंकास्पद मोबाइल नम्बर समेत फेला परेको छ। उक्त लागूऔषधलाई रितपूर्वक बरामद गरी आवश्यक अनुसन्धान कार्य अघि बढाइएको समेत जनाइएको छ।
प्रतिक्रिया दिनुहोस !
