तानसेन : पाल्पा डुम्रेबाट तिनाउँ गाउँपालिका-६ चिदिस शिखरडाँडा जाँदै गरेको जिप दुर्घटना हुँदा घटनास्थमै ८ जनाको मृत्यु भएको छ। १८ जना घाइते भएका छन्। बेलुका करिब ५ बजे लु१ज २३७१ नम्बरको जिप चिदिस शिखरडाँडा जाँदै गर्दा उकालोमा व्याक भइ दुर्घटना भएको थियो।
तिनाउ गाउँपालिका-६ का वडासदस्य स्थानीयबासी ज्ञानबहादुर अस्लामीले दिएको जानकारीअनुसार मृत्यु हुनेमा तिनाउ ६ चिदिसका रामबहादुर अस्लामी, कृष्णबहादुर अस्लामी, उर्मिला अस्लामी, माइतीमा आएकी दिल कुमारी अस्लामी रहेको र अन्य चार जना पहिचानको क्रममा रहेको बताए पनि जिल्ला प्रहरी कार्यालयबाट भने पुष्टि भएको छैन। मृतकमध्ये ५ जना महिला र ३ जना पुरुष छन्। जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले मृतकको पहिचानको लागि काम भइरहेको बताए।
घाइतेमध्ये दुई जनाको अवस्था चिन्ताजनक छ। श्रीपञ्चमीको पर्व मनाउन विभिन्न ठाउँबाट पाहुना तथा चेलीबेटीहरू जिपमा रहेको स्थानीबासीहरूको भनाइ छ।
प्रतिक्रिया दिनुहोस !
