जाजरकोट : जाजरकोटमा भएको फोर्स गाडी दुर्घटनाका घाइते एक जनाको मृत्यु भएको छ। थप उपचारका लागि नेपालगन्ज लैजाने क्रममा बाटोमा बुधबार निधन भएको हो।
मृत्यु हुनेमा भेरी-५ का ६६ वर्षीय धर्म चन्द रहेका छन्। प्रदेश अस्पताल सुर्खेतबाट थप उपचारका लागि नेपालगन्ज लैजाने क्रममा उनको बाँकेको चिसापानी नजिक मृत्यु भएको जिल्ला प्रहरी कार्यालय जाजरकोटका प्रमुख डीएसपी पुरुषोत्तमप्रसाद पाण्डेले बताए। उनका अनुसार मृतक चन्द दुर्घटनामा परेको गाडी चालकका बुबा हुन्।
उक्त दुर्घटनामा ३२ जना घाइते भएका थिए। घाइते ११ जनालाई हेलिकोप्टर र ४ जनालाई गाडीमार्फत थप उपचारका लागि प्रदेश अस्पताल सुर्खेत पठाइएको थियो।
प्रतिक्रिया दिनुहोस !
