नुवाकोट : गल्छी–देवीघाट–त्रिशूली–रसुवागढी सडकखण्डअन्तर्गत नुवाकोटको तारकामा सडक दुर्घटना भएको छ । दुर्घटनामा एकजनाको ज्यान गएको छ भने १८ जना घाइते भएका छन्। गल्छी–देवीघाट–त्रिशूली सडकखण्डको बीचमा रहेको वेलकोटगढी नगपालिका ७ कल्चेडीभीर,तारुकाघाटमा बुधबार यात्रुबस र मोटरसाइकल ठोक्किदा दुर्घटना भएको जिल्ला प्रहरी कार्यालय नुवाकोटले जनाएको छ ।
काठमाडौंबाट गल्छीहुँदै त्रिशूलीतर्फ जाँदै गरेको वा ३ ख ५५४७ नम्बरको बस र रातमाटेबाट गल्छीतर्फ जाँदै गरेको वा ५८ प २८०४ नम्बरको मोटरसाइकल ठोक्किर दुर्घटनन हुँदा एकजनाको मृत्यु भएको छ भने १८ जना यात्रु घाइते भएको प्रहरी नायव उपरिक्षक दुर्गाराज रेग्मीले जानकारी दिए ।
उनका अनुसार दुर्घटनामा मोटरसाइकल चालक स्थानीय वेलकोटगढी -७ का २२ वर्षीय जीवन राईको ज्यान गएको हो । घाइतेमध्ये तीनजना गम्भीर रहेका छन् ।
घटनालगत्तै सर्वसाधारण तथा मृतकका आफन्तले गल्छी–देवीघाट सडकखण्ड अवरुद्ध गरेका छन्। सडकमार्गमा दर्जनौं सुरक्षाकर्मी परिचालन गरिएका छन् । घाइतेमध्ये १५ जनाको नुवाकोट जिल्ला अस्पताल त्रिशूलीमा उपचार भइरहेको छ ।
भित्तातर्फको ढुंगामा गएर बस बजारिएको वेलकोटगढी ७ का वडाध्यक्ष भुवनेश्वर नेपालले जानकारी दिए ।
प्रतिक्रिया दिनुहोस !
