हेटौंडा : स्वतन्त्र विद्यार्थी युनियन (स्ववियु) निर्वाचनमा मकवानपुर बहुमुखी क्याम्पसमा अनेरास्ववियुको प्रसिद्ध रेग्मी विजयी भएका छन् । नेविसंघ र अनेरास्ववियुको प्यानलबाट रेग्मी ७ सय ६ मतसहित अध्यक्ष पदमा विजयी भएका हुन्। उनको चुनावी अध्यक्ष पदको प्रतिद्वन्द्वी अनेरास्ववियु (क्रान्तिकारी) का छोइसाङ लामाले ५ सय ७ मत ल्याएर पराजित भए । अध्यक्ष पदमा पराजित भएका रेग्मीका प्रतिद्वन्दी यस अघिका सभापति हुन् ।
सचिवमा नेविसंघका उत्सव ढुंगाना ७ सय ११ मतसहित विजयी बन्दा उनका प्रतिद्वन्द्वी अखिल क्रान्तिकारीका दिपेश कार्किले ५ सय ४४ मत प्राप्त गरे । कोषाध्यक्षमा अनेरास्ववियुका निर्दोष लुइँटेल ७ सय ४ मत सहित विजयी हुँदा उनका प्रतिस्पर्धी राप्रविसका अमन रायले ५ सय ४४ मत ल्याय ।
सदस्यतर्फ पनि गठबन्धनकै मनोज घलान,उमेश चौधरी,दिवश चापागाईं, साजिर अन्सारी, कृषन थिङ, मन्दिप थापा, विवश अर्याल तथा अतीत अधिकारी विजयी भए ।
प्रतिक्रिया दिनुहोस !
