डोमिनिकन रिपब्लिकमा नाइटक्लब दुर्घटना : धेरै सेलिब्रेटीसहित १८४ जनाको मृत्यु
चैत २९, २०८१ शुक्रबार ८:५३:४६
सान्टो डोमिङ्गो : डोमिनिकन रिपब्लिकको राजधानी सान्टो डोमिङ्गोमा रहेको एक नाइटक्लबको छत भत्किँदा मृत्यु हुनेको संख्या १८४ पुगेको छ। यस दुर्घटनामा यस देशका धेरै प्रमुख व्यक्तित्वहरूले ज्यान गुमाएका छन्।
४८ घण्टाभन्दा बढी समय बितिसक्दा पनि घटनास्थलमा उद्धार कार्य जारी छ।
७ अप्रिलको राति 'जेट सेट नाइटक्लब' को छत भत्किँदा यो दुर्घटना भएको हो। यस समयमा प्रसिद्ध गायक रबी पेरेज त्यहाँ प्रस्तुति दिइरहेका थिए। यस दुर्घटनासँग सम्बन्धित एउटा भिडियो सामाजिक सञ्जालमा भाइरल भइरहेको छ। यसमा परेजको प्रस्तुतिको क्रममा पहिले छतबाट धुलो खस्न थाल्यो र त्यसपछि अचानक पूरै छत भत्किएको देखिन्छ।
यस दुर्घटनामा गायक पेरेजको पनि मृत्यु भयो। उनको शव शुक्रबार बिहान फेला परेको थियो। पेरेजसँग स्याक्सोफोन बजाउने लुइस सोलिसको पनि मृत्यु भएको जनाइएको छ। रिपोर्ट अनुसार अहिलेसम्म ५४ वटा शव पहिचान भइसकेको छ।
यसमा मोन्टेक्रिस्टी प्रान्तकी गभर्नर नेल्सी क्रुजको नाम पनि समावेश छ। नेल्सी क्रुज सात पटक मेजर लिग बेसबल अल-स्टार खेलाडी नेल्सन क्रुजकी बहिनी पनि हुन्। दुर्घटनापछि भग्नावशेषमा फसेको बेला नेल्सीले राष्ट्रपतिलाई फोन गरेर जानकारी गराइन्। पछि उनको अस्पतालमा मृत्यु भयो।
यसबाहेक बेसबल स्टार अक्टाभियो डोटेलको पनि दुर्घटनामा मृत्यु भएको जनाइएको छ। डोटेलले न्यूयोर्क मेट्स र ह्युस्टन एस्ट्रोस जस्ता टोलीहरू विरुद्ध खेलेका थिए। दुर्घटनापछि उनलाई भग्नावशेषबाट जीवितै उद्धार गरिएको थियो। अस्पताल लैजाँदै गर्दा उनको मृत्यु भयो। उनीसँगै अर्का बेसबल खेलाडी टोनी एनरिक ब्लान्को काब्रेराको पनि मृत्यु भएको जनाइएको छ।
यो पनि पढ्नुहोस्
प्रतिक्रिया दिनुहोस !
