नुवाकोट : नेकपा एमाले तादी गाउँ संगठन कमिटीको अध्यक्षमा माधवप्रसाद मैनाली निर्वाचित भए। शनिबार सम्पन्न दोस्रो अधिवेशनले संस्थापन पक्षका मैनालीले ६१ मत पाएर विजयी हुँदा उनीसँग संस्थापन इतरका ६० मत ल्याएर राजकुमार ओझा एक मतले पराजित भए।
उपाध्यक्षमा प्रेमबहादुर तामाङ निर्विरोध भए। सचिवमा भएको मतदानमा संस्थापन पक्षका रामबहादुर तामाङले ६९ मत पाएर विजयी भए।
उनका निकटतम खड्गबहादुर पण्डितले ४७ मतमा चित्त बुझाए। मतदानमा एकसय २८ मध्ये एकसय २२ मत खसेको थियो।
उपसचिवमा वीरबहादुर तामाङ र अस्मिता तामाङ निर्विरोध चुनिए। सदस्यहरू सबै पद निर्विरोध चयन भएका छन्। लेखा कमिटी संयोजकमा गोपाल आचार्य निर्वाचित भए।
प्रतिक्रिया दिनुहोस !
