काठमाडौं : सरकारको बेरुजु ७ खर्ब नाघेको छ। महालेखापरीक्षकको कार्यालयले वार्षिक प्रतिवेदन सार्वजनिक गर्दै सरकारको बेरुजु ७ खर्ब, ३३ अर्ब, १९ करोड बेरुजु रहेको जानकारी दिएको छ। गत वर्षको बेरुजु ६ खर्ब ६९ अर्ब ८६ करोड रहेको थियो।
यो वर्ष संघीय, प्रदेश सरकारी निकाय र स्थानीय तह, संगठित संस्था, समिति र अन्य संस्थासमेतको गरी कूल ९४ अर्ब ६२ अर्ब ३६ करोडको लेखापरीक्षण भएको थियो। यस वर्षमात्र ९१ अर्ब ६० करोड बेरुजु देखिएको प्रतिवेदनमा उल्लेख छ।
यस्तो बेरुजु संघमा ४७ अर्ब ७४ करोड र प्रदेशमा ४ अर्ब ३० करोड र स्थानीय तहमा २५ अर्ब ३२ करोड देखिएको छ। त्यस्तै अन्य संस्थाको बेरुजु १४ अर्ब ३३ करोड रहेको छ।
त्यस्तै महालेखा परीक्षकको कार्यालयले वित्तीय अनुशासन कायम गर्न निकायको कार्यप्रकृति अनुरुप आचारसंहिताको व्यवस्था र परिचालनमा जोड दिएको छ। यसअघि बुधबार नै राष्ट्रपति रामचन्द्र पौडेलसमक्ष महालेखा परिक्षक रायाले आर्थिक वर्ष २०८०/२०८१ को वार्षिक प्रतिवेदन पेस गरेका थिए।
प्रतिक्रिया दिनुहोस !
