नुवाकोट : पासाङल्हामु मार्गको विदुर–त्रिशूली सडकखण्डको ढुंगेमा शनिबार दुर्घटनामा परी घाइते भएका एक जना युवकको मृत्यु भएको छ।
उक्त सडकमार्गअन्तर्गत विदुर नगरपालिका-१ ढुंगेमा विद्युतीय माइक्रोबस र विपरीत दिशाबाट आइरहेको मोटरसाइकल शनिबार दिउँसो एक आपसमा ठोकिँदा मोटरसाइकल चालक ढुंगेबजारका २० वर्षीय रोनिश श्रेष्ठको उपचारका क्रममा मृत्यु भएको हो।
विदुर १ ढुङ्गेस्थित विदुर–त्रिशूली सडक खण्डमा विदुरबाट त्रिशूलीतर्फ जाँदै गरेको बा९३प १८४ नम्बरको मोटरसाइकल र विपरीत दिशा त्रिशूलीबाट बट्टारतर्फ जाँदै गरेको बाप्र०६–००१ज०१३८ नम्बरको यात्रुवाहक विद्युतीय माइक्रोबस एक आपसमा ठोकिँदा मोटरसाइकल चालक गम्भीर घाइते भएकोमा उपचारका क्रममा मृत्यु भएको जिल्ला प्रहरी कार्यालय नुवाकोटले जनाएको छ।
प्रतिक्रिया दिनुहोस !
