इलाम : इलाममा प्रतिनिधि सभा सदस्यको चयन गर्नका लागि मताधिकार प्रयोग गर्न उत्साहित देखिएका छन् । इलाममा दलका उम्मेद्वारले आफ्नो मतदाता केन्द्रमा पुगेर मतदान गरिसकेका छन् ।
इलाम क्षेत्र नं. १ मा नेपाली कांग्रेसका निश्कल राईले सूर्योदयन गरपालिका -४ को जनक मावि केन्द्रबाट मतदान गरेका छन् । 
नेकपा एमालेका काजिमान कागतेले सूर्योदय नगरपालिका-८ को सिद्धि आविबाट मतदान गरेका छन् ।
इलाम २ मा नेपाली कांग्रेसका भेषराज आचार्यले इलाम नगरपालिका ११ को महेश्वरा आविबाट मतदान गरेका छन् । 
त्यहाँ नेकपा एमालेका उम्मेद्धार सुहाङ नेम्वाङले इलाम नगरपालिका २ को मरब क्याम्पस ग बाट मतदान गरेका छन् ।
प्रतिनिधिसभा निर्वाचनका लागि इलाममा २ लाख ३१ हजार ८ सय ९ मतदाता रहेका छन् । निर्वाचनका लागि १ लाख १२ हजार १ सय ५८ महिला, १ लाख १९ हजार ६ सय ४८ पुरुष र अन्य ३ को मतदाता नामावली कायम भएको जिल्ला निर्वाचन कार्यालय इलामले जनाएको छ । आगामी निर्वाचनका लागि जिल्लामा १ सय ५० मतदानस्थल र २ सय ९० मतदान केन्द्र छन् ।
गत निर्वाचनमा भन्दा आउँदो निर्वाचनका लागि ५ मतदान केन्द्र थप गरिएको निर्वाचन कार्यालयका सूचना अधिकारी कृष्ण लिम्बूले जानकारी दिए । लिम्बूका अनुसार यसपटक सूर्योदय नगरपालिका–१२, करफोक मावि, इलाम नगरपालिका–८ को विद्या सिर्जनात्मक मावि, चुलाचुली २ को जनता मावि, देउमाईको डम्बरदेवी मावि र माइजोगमाई–५ को सिरिसे माविमा १–१ गरी ५ मतदान केन्द्र थप भएको छ ।
इलाम निर्वाचन क्षेत्र नं. १ मा १ लाख १२ हजार ३२० मतदाता रहेका छन् । जसमा पुरुष ५८ हजार ६ सय ७३ र महिला ५३ हजार ६४६ र अन्य १ मतदाता रहेका छन् । निर्वाचन क्षेत्र नं. २ मा १ लाख १९ हजार ४ सय ८९ मतदाता रहेका छन् । जसमा पुरुष ६० हजार ९ सय ७५ र महिला ५८ हजार ५ सय १२ र अन्य २ मतदाता छन् ।
प्रतिक्रिया दिनुहोस !
