काठमाडौं : राष्ट्रिय स्वतन्त्र पार्टी (रास्वपा)ले समानुपातिक सांसदहरूलाई निर्वाचन क्षेत्रमा खटाउने निर्णय गरेको छ।
आइतबार पार्टी कार्यालयमा बसेको सचिवालय बैठकले समानुपातिक सांसदहरूलाई पनि जिम्मेवारी तोक्ने निर्णय गरेको हो।
पार्टी प्रवक्ता मनिष झाका अनुसार प्रत्यक्ष निर्वाचित सांसद नरहेको निर्वाचन क्षेत्रमा समानुपातिक तर्फबाट निर्वाचित सांसदहरूलाई जिम्मेवारी तोक्ने निर्णय गरेको छ।
सोमबार बस्ने पार्टीको केन्द्रीय समितिको बैठकले जिम्मेवारीको सूची पारित गर्ने प्रवक्ता झाले बताए। जिल्ला र निर्वाचन क्षेत्रसहितको सूची भोलिको बैठकबाट पारित गर्ने रास्वपाको तयारी छ।
फागुन २१ को निर्वाचनमा रास्वपाले १६५ मध्ये १२५ क्षेत्रमा जित हासिल गरेको थियो। समानुपातिकतर्फ भने ५७ सिट जितेको थियो।
प्रतिक्रिया दिनुहोस !
