ट्राफिक चेकजाँचमा कडाइ
२४ घण्टामा १ हजार ८५४ सवारी चालक कारवाहीमा,चार लाख ४८ हजार राजश्व संकलन
वैशाख २७, २०८३ आइतबार ११:१६:३
काठमाडौं : काठमाडौं उपत्यकामा ट्राफिक नियम उल्लङ्घन गर्ने सवारी चालकविरुद्ध ट्राफिक प्रहरीले निगरानी र कारवाहीलाई तीव्र बनाएको छ। पछिल्लो २४ घण्टामा १ हजार ८५४ सवारी चालक सवारी नियम उल्लङ्घनको कारबाहीमा परेका छन् । यसबाट राज्यकोषमा ४ लाख ४८ हजार राजस्व दाखिला भएको छ ।
काठमाडौं उपत्यका ट्राफिक प्रहरी कार्यालयका अनुसार मादक पदार्थ सेवन गरेको १२५,नियमविपरीत ‘राइड सेयरिङ’ गरेका १६६, ट्राफिक सङ्केत उल्लङ्घनकर्ता १७९ र तीव्र गतिमा सवारीसाधन हुइँक्याएका १७१ जनालाई कारबाही गरिएको हो ।
यसैगरी,‘लेन’अनुशासन पालना नगर्ने २७, निषेधित क्षेत्रमा हर्न बजाउने १०४, सडक पेटीमा सवारीसाधन पार्किङ गर्ने ६६, एकतर्फी सडकमा सवारी चलाउने ११२ र अन्य सवारी नियम पालना नगरेका एक हजार ९०४ जनालाई कारबाही गरिएको हो
ट्राफिक प्रहरीका अनुसार सवारी दुर्घटना न्यूनीकरण,सडक अनुशासन कायम तथा सुरक्षित आवागमन सुनिश्चित गर्न नियमित रूपमा निगरानी र कारवाही अभियान सञ्चालन भइरहेको छ। नियम उल्लङ्घन गर्ने चालकलाई कानुनअनुसार जरिवाना तथा आवश्यक कारवाही गरिने कार्यालयले जनाएको छ।
प्रतिक्रिया दिनुहोस !
