प्युठान पहिरो : ज्यान गुमाउनेको संख्या २० पुग्यो

प्युठान पहिरो : ज्यान गुमाउनेको संख्या  २० पुग्यो

प्युठानः प्यूठानमा अविरल वर्षापछि आएको बाढी र पहिरोले पुरेर ज्यान गुमाउनेको संख्या २० पुगेको छ ।

गएराति पनि अविरल वर्षासँगै आएको पहिरोले ठोक्लि ६ सिमका पाँच घर बगाएको छ । पहिरोले घर बगाउँदा नारायण केसी, द्रोण केसी र पवित्रा केसीको ज्यान गएको छ । पहिरोले बगाएर चार जना बेपत्ता भएका छन् ।

त्यस्तै ठोक्लिको सारिवाङमा पहिरोले बगाएर बेपत्ता बनाएका ५२ वर्षका मनिराम पुनको शव फेला परेको छ । त्यस्तै ४५ वर्षका तेज पुन र उनकी ४२ वर्षकी श्रीमती खोली पुनको पनि शव फेला परेको प्रहरीले जनाएको छ ।

पहिरोमा परी नेकपा माओवादी केन्द्र केन्द्रिय सदस्य हरिबहादुर केसी र उनकी श्रीमती, नरबहादुर बुढाथोकी र उनकी श्रीमती बेपत्ता भएका छन् ।

योसँगै प्युठानमा बाढीले बगाएर र पहिरोमा पुरिएर ज्यान गुमाउनेको संख्या २० जना पुगेको छ । २४ जना बेपत्ता भएका छन् ।

बाढी पहिरोमा परी ज्यान गुमाउने, बेपत्ता हुने र क्षतिको विवरण संकलनका लागि उद्दारमा खटेको दैवीप्रकोप उद्धार समितिको बैठक अहिले बसिरहेको छ । बैठकले राहत तथा उद्धार कार्यलाई प्रभावकारी बनाउने विषयमा पनि छलफल गरिरहेको छ ।

उद्धारमा तदारुकता देखाउन सरकारको ध्यानाकर्षण

यसैबीच पूर्व उपप्रधानमन्त्री बामदेव गौतमसहितको टोलीले प्युठानमा गएको पहिरोमा परी पीडित बनेका नागरिकको उद्धार तथा पुर्नस्थापनाका लागि तदारुकता देखाउन सरकारको ध्यानाकर्षण गराएका छन् ।

योजना आयोगका पूर्व उपाध्यक्ष प्राध्यापक डाक्टर गोविन्द पोख्रेल, सांसदहरु हिराबहादुर केसी, दुर्गा पौडेल, धनबहादुर रायमाझी, पुर्णराम थापा, पूर्व सांसद मुक्ति शर्मालगायतको टोली गृहमन्त्रालयमा पुगेर गृहमन्त्रीको ध्यानाकर्षण गराएको हो ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.