पुलबाट खसेर बालकको मृत्यु
राजविराजः सप्तरीको कन्चनपुर नगरपालिका– २ स्थित बरमझियाको पुलबाट खसेर बुधबार एक बालकको मृत्यु भएको छ ।
मृत्यु हुनेमा सोही ठाउँका बौना सरदारको डेढ वर्षीय छोरा करण सरदार रहेको इलाका प्रहरी कार्यालय कन्चनपुरले जनाएको छ ।
घर नजिकै रहेको उक्त पुलमाथि खेल्ने क्रममा खसेर उनको मृत्यु भएकोे प्रहरीले जनाएको छ ।
अहिले करणको शव स्वास्थ्य परीक्षणका लागि राजविराजस्थित गजेन्द्रनारायण सिंह सगरमाथा अञ्चल अस्पतालमा राखिएको जिल्ला प्रहरी कार्यालय सप्तरीले जनाएको छ ।
प्रतिक्रिया दिनुहोस !
