काठमाडौँ: यस आवमा चार हजार आठ सय ४८ निजामती कर्मचारीले सम्पत्ति विवरण नबुझाएको खुलासा भएको छ ।
निजामती किताब खानामा चार हजार आठ सय ४८ निजामती कर्मचारीले सम्पत्ति विवरण नबुझाएको किताबखानाका निर्देशक राजेन्द्रप्रसाद पराजुलीले जानकारी दिए ।
उनका अनुसार ८२ हजार चार सय २१ निजामती कर्मचारीमध्ये ७७ हजार ५७३ कर्मचारीले सम्पत्ति विवरण बुझाएका छन् । पाँच सय २५ यस आवमा अवकाश भएका कर्मचारी पनि सम्पत्ति विवरण बुझाएका छन् ।
भ्रष्टाचार निवारण ऐन २०४९ अनुसार सार्वजनिक पद धारण गरेका व्यक्तिले सम्पत्ति विवरण बुझाउनु व्यवस्थाअनुसार अनिवार्य रुपमा आव सुरु भएको ६० दिनभित्र कर्मचारीले निजामती किताब खानामा सम्पत्ति विवरण बुझाउनुपर्ने छ ।
निर्देशक पराजुली सम्पत्ति विवरण बुझाउने कर्मचारीको सङ्ख्या बढ्ने जानकारी गराए ।
गत वर्ष छ हजार पाँच सय ५० निजामती कर्मचारीले सम्पत्ति विवरण बुझाएका थिएनन् । निर्देशक पराजुलीले सम्पत्ति विवरण नबुझाउने कर्मचारीको नामवली राष्ट्रिय सतर्कता केन्द्रमा पठाइने जानकारी दिए ।
सम्पत्ति विवरण नबुझाउने कर्मचारीलाई अख्तियार दुरुपयोग अनुसन्धान आयोगले रु पाँच हजार जरिवाना गर्ने व्यवस्था रहेको छ ।
किताब खानाले साउन १ देखि भदौ २८ सम्म निजामती सेवा, संसद् सेवा र स्वास्थ्य सेवातर्फका कर्मचारीलाई अनिवार्य सम्पत्ति विवरण बुझाउन भनेको थियो । रासस
प्रतिक्रिया दिनुहोस !
