काठमाडौं: त्रिशक्ति डिस्ट्रिलरिज प्रालिले नयाँ उत्पादन 'एक्सिलेन्स भोड्का' दसैं तिहारको अवसरमा बजारमा ल्याएको छ । गुणस्तरलाई प्राथमिकतामा राखेर मदिरा उत्पादन गर्दै आएको कम्पनीले यसलाई उच्चकोटिको बनाउन विश्वस्तरीय कच्चा पदार्थ प्रयोग गर्दै आएको छ ।
कम्पनीले यसलाई अन्तर्राष्ट्रिय स्तरको आकर्षक प्याकिङ र बोतलमा बजारमा ल्याएको छ । ३० युपी शक्ति भएको नयाँ उत्पादन नेपाल र अन्तर्राष्ट्रिय क्षेत्रमा पाइने भोड्काभन्दा उच्च स्तरको रहेको कम्पनीले जनाएको छ । कम्पनीका अनुसार नेपालमा नै अन्तर्राष्ट्रिय स्तरको भोड्का उत्पादन गरी भोड्का प्रेमी र पारखीलाई सन्तुष्टि दिई विदेशी उत्पादनलाई निरुत्साहित गर्ने र हालसम्म बजारमा आएका भोड्काभन्दा अझ उत्कृष्ट उत्पादन दिई सन्तुष्ट पार्नु कम्पनीको उद्देश्य छ ।
सात सय ५० मिलिलिटरको बोतलको १२ सय ४० रुपैयाँ मूल्य तोकिएको कम्पनीले जनाएको छ । निकट भविष्यमा तीन सय ७५ मिलिलिटर र एक सय ८० मिलिलिटरको प्याकिङ पनि बजारमा ल्याउने कम्पनीले जनाएको छ ।
प्रतिक्रिया दिनुहोस !
