रियल मड्रिड ला लिगा फुटबलको शीर्ष स्थानमा उक्लियो
काठमाडौंः रियल मड्रिड ला लिगा फुटबलको शीर्ष स्थानमा उक्लिएको छ। गएराति भएको खेलमा एथ्लेटिक क्लबलाई २–१ ले पराजित गर्दै रियल मड्रिड ला लिगा फुटबलको शीर्ष स्थानमा उक्लिन सफल भएको हो।
खेलको सातौं मिनेटमा करिम बेन्जिमाले गोल गर्दै रियल मड्रिडलाई सुरुवाती अग्रता दिलाए। तर, रियल मड्रिडको अग्रता धेरै बेर टिक्न सकेन। खेलको २७ औं मिनेटमा एथ्लेटिक क्लबका लागि सबिनले गोल गर्दै खेल १–१ को बराबरी ल्याए।
खेलको ८३ औं मिनेटमा मोरोटाले निर्णायक गोल गरेपछि रियल मड्रिड २–१ गोल अन्तरले विजयी भयो र तालिकाको शीर्ष स्थानमा उक्लियो।
जितपछि शीर्ष स्थानमा उक्लिएको रियल मड्रिडको ९ खेलबाट २० अंक २१ अंक छ भने दोस्रो स्थानमा रहेको सेभिल्लाको समान खेलबाट २० अंक छ। तेस्रो स्थानमा रहेको बार्सिलोनाको भने समान खेलबाट १९ अंक छ।
प्रतिक्रिया दिनुहोस !
४
