काठमाडौं: जेट एयरले सार्क राष्ट्र र गल्फ क्षेत्रमा सेवा विस्तार गर्दै लगेको छ । भारतको अन्तर्राष्ट्रिय एयरलाइन्स कम्पनी जेट एयरले सार्क राष्ट्रका साथै गल्फ क्षेत्रमा आफ्नो सेवालाई विस्तार गरेको हो । विन्टर तालिकाको रूपमा कम्पनीले काठमाडौंदेखि मुम्बइ र दिल्लीको लागि सेवा थप गरेको छ ।
साथै कम्पनीले केरलादेखि गल्फ र त्रिभुवननाथपुरमबाट दुवई र दोहामा दैनिक सेवाको विस्तार गरेको छ । कम्पनीले भर्खरैमात्र कोजिकोडबाट सार्जाका लागि दैनिक सेवा पनि सुरु गरेको हो । ग्राहकको चाहना र सुविधालाई मध्यनजर गर्दै जेट एयरले काठमाडौं र गल्फमा थप उडान भर्दै जाने बताएको छ । साथै अन्य अन्तर्राष्ट्रिय गन्तब्यहरूमा थप सेवा सुविधा विस्तार गर्दै लैजाने कम्पनीले जनाएको छ ।
कम्पनीले दैनिक दुईपटक मुम्बईबाट काठमाडौंमा सेवा विस्तार भएसँगै यसको क्षमतामा समेत बृद्धि भएको उल्लेख गरेको छ । काठमाडौंदेखि मुम्बईको सेवामा पनि तेस्रो दैनिक सेवा विस्तार गरी सेवालाई अझ प्रभावकारी बनाउँने कम्पनीले जनाएको छ ।
यो सँगै कम्पनीलाई सार्क राष्ट्रमा आफूलाई अझ प्रभावकारी रूपमा विस्तार गर्न सफल भएको कम्पनीले जनाएको छ । कम्पनीले अहिले सार्कराष्ट्रमध्ये बंगलादेश, श्रीलंकामा र नेपालमा गरी हप्तामा एक सय ४० फ्लाईट पुगेको छ । त्यसमा आधाभन्दा बढी सेवा नेपालमा रहेको जनाएको छ ।
प्रतिक्रिया दिनुहोस !
